Şəhidlərin əziz xatirəsi heç vaxt unudulmayacaq:“27 Sentyabr – Anım Günü” münasibətilə Qarayazı qəsəbəsində şəhidlərimizin əziz xatirələri yad olunub.
25 sentyabr 2024-cü il tarixdə Yeni Azərbaycan Partiyası Ağstafa rayon təşkilatı tərəfindən “27 Sentyabr – Anım Günü” münasibətilə Qarayazı qəsəbəsində şəhidlərimizin əziz xatirələri yad olunub.
Yeni Azərbaycan Partiyası Ağstafa rayon təşkilatının əməkdaşları, şəhid ailələri, Ərazi Partiya Təşkilatının fəalları, rayon ictimaiyyətinin nümayəndələri Salyayev Aqil Anar oğlunun, Bəşirov Akif Vahid oğlunun, Alıcanov Rafiq Cəfər oğlunun, Əhmədov Vidadi Ələsgər oğlunun məzarlarını ziyarət ediblər, məzarları önünə gül dəstələri düzüblər və ruhlarına dualar oxuyublar.
Daha sonra tədbir iştirakçıları Vətən müharibəsi şəhidi Salyayev Aqil Anar oğlunun ailə üzvlərini ziyarət edərək, onların qayğıları ilə maraqlanıblar, dərin hüzünlə başsağlığı veriblər. Söhbət zamanı şəhidimizin keçdiyi şərəfli həyat və döyüş yolundan geniş bəhs edilib.
Şəhidimizin ailəsi dövlət səviyyəsində onlara göstərilən diqqət və qayğıya görə cənab Prezident, Ali Baş Komandan İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
