Şəhid milli qəhrəman Səfiyar Behbudovun bacısı şəhid ailələri ilə görüş keçirib – FOTOLAR
Şəhid milli qəhrəman Səfiyar Behbudovun bacısı,“QÜRUR” Şəhid Ailələri Xeyriyyə İctimai Birliyinin sədri Naibə Behbudova şəhid Təhmazov Elzaminin və Musayev Muradın anım günü ilə əlaqədar onların ailələri ilə maddi və mənəvi dəstəkyönümlü görüş keçirib, evlərini, məzarını ziyarət edib.
Birliyinin sədri Naibə Behbudova Media1.az-a bildirib ki, görüşdə şəhid ailələri, İctimai Birliyin nümayəndələri iştirak ediblər: “Bu gün qürurla deyə bilərik ki, millətimizə bəxş edilən bu zəfərdə Vətən uğurunda qəhrəmancasına döyüşərək şəhidlik mərtəbəsinə yüksələn qəhrəmanlarımızın adları ehtiramla anılmalı, əziz xatirələri qürurla yeni nəslə təbliğ edilməlidir. Xalqımıza qəlbə zəfərini bəxş etmiş, düşmən istilasına son qoymuş şəhidlərimizin ailə üzvlərinə, qazilərə, müharibə iştirakçılarına diqqət və qayğı, mənəvi dəstək olmaq hər bir Azərbaycan vətəndaşının borcudur”.
Birliyin sədri çıxışında bildirib ki, gələcəkdə də ölkəmizin həssas təbəqəsi ilə bağlı belə tədbir və görüşləri davam etdiriləcək.
Qeyd edək ki, Azərbaycan və onun əsl dəyərlərindən biri də vətəndaşlarının bir-birinə yardım etmək, dəstək olmağa verdiyi önəmdir. Ən dəyərli varlığımız olan şəhidlərimizin ailələri isə bu dəyərləri ən yüksək səviyyədə təmsil edir.
Pərvanə Fərhadqızı
Fotolar
