Salyanda qəza zamanı piyada ölüb
Salyanda yol-nəqliyyat hadisəsi baş verib.
APA-nın Mil-Muğan bürosunun məlumatına görə, hadisə rayonunun Qaraçala qəsəbəsi ərazisində qeydə alınıb.
Şirvan sakini idarə etdiyi “Mercedes” markalı avtomobillə piyada-Salyan rayonunun Qaraçala qəsəbə sakini, 2001-ci il təvəllüdlü Səlimov Cavad İsmayıl oğlunu vurub.
Ağır xəsarət alan piyada Şirvan Şəhər Xəstəxanasının reanimasiya şöbəsinə yerləşdirilib.
Həkimlərin səyinə baxmayaraq, o xəstəxanada ölüb.
Faktla bağlı araşdırma aparılır.
