Sabirabadda avtoqəza zamanı 1 nəfər ölüb, 3 nəfər xəsarət alıb

Sabirabad rayonunun Nizami kəndində ağır yol qəzası baş verib.

APA-nın Mil-Muğan bürosunun məlumatına görə, hadisə Hacıqabul-Bəhramtəpə avtomobil yolunda qeydə alınıb.

“Kia” və “VAZ 2115” markalı avtomobillərin toqquşduğu avtoqəza zamanı bir nəfər ölüb, üç nəfər xəsarət alıb. Yaralılar Şirvan xəstəxanasına yerləşdirilib.

Faktla bağlı araşdırma aparılır.