Regional idarənin rəisi Tərtər rayonunda iri mədəniyyət müəssisələrinin rəhbərləri ilə görüş keçirib
Bərdə Regional Mədəniyyət İdarəsinin rəisi Vəsilə Möhsümova Tərtər rayon Heydər Əliyev Mərkəzində iri mədəniyyət müəssisələrinin rəhbərləri ilə görüş keçirib.
Görüşdə regional idarənin rəisi Vəsilə Möhsümova çıxış edərək mədəniyyət müəssisələrinin hazırkı vəziyyəti, mövcud problemlərdən, mədəniyyət sahəsində qarşıda duran hədəflərdən geniş söz açıb. O, qeyd edib ki, mədəniyyət müəssisələri insanlarla qarşılıqlı sıx əlaqədə işləməli, insanların mədəni-kütləvi tədbirlərdə iştirakı təmin edilməli, mədəniyyət müəssisələri fəaliyyət istiqamətlərini günün tələblərinə uyğun şəkildə qurmalıdır.
Həmçinin mədəniyyət müəssisələrində əmək intizamına ciddi riayət olunması, sənədləşdirmə işlərinin düzgün aparılması, KİV-nin nümayəndələri ilə sıx əlaqələrin qurulması, keçirilən tədbirlərin və görülən işlərin sosial media platformalarında daha geniş şəkildə işıqlandırılması ilə bağlı tapşırıqlarını çatdırıb.
Sonda mədəniyyət işçilərinin sual və təklifləri dinlənilib, onlarla fikir mübadiləsi aparılıb.
Media1.az
