Qarabağın dəyərli muğam ifaçısı Sərdar Əvəzoğlunun doğum günüdür
Bu gün respublikanın əməkdar mədəniyyət işçisi,QARABAĞIMIZIN dəyərli ustad sənətkarı Sərdar Əvəzoğlunun doğum günüdür. Muğam ifaçısı Sərdar Əvəzoğlunun 61 yaşı tamam olur.
Ustad sənətkar Sərdar Əvəzoğlu 1959-cu ildə Bərdə rayonunun Qaradəmirçi kəndində anadan olub. Xalq musiqisinə olan marağı, qeyri-adi istedadı sayəsində Sərdar Əvəzoğlu muğam sənətinin incəliklərinə yiyələnib. Azərbaycan səhnəsində özünəməxsus yeri qazanıb. Vaxtaşırı televiziya kanallarından Azərbaycan muğamsevərlərinin qonağı olub. Ustad sənətkar Sərdar Əvəzoğlu Qarabağ məclislərinə böyük həvəslə dəvət edilib, musiqisevərlərin bəyəndiyi ifanı təqdim edib.
