Layihə çərçivəsində uşaqların təhlükəsizliyi və hüquqlarının müdafiəsində sosial xidmətlərin rolu müzakirə olunacaqdır
“Hüquq Dünyası” Hüquqi Təblığat İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə “Uşaqların təhlükəsizliyi və hüquqlarının müdafiəsində sosial xidmətlərin rolu” layihəsini həyata keçirir. Layihənin əsas məqsədini uşaq hüquqlarının qorunması və təbliği işini həyata keçirməkdə sosial mütəxəssislərin rolunun gücləndirməsi təşkl edir.
Qəbələ, Zaqatala və Qax rayonlarında sosial xidmətlər göstərən və bölgələrdə uşaqlara sosial- psixoloji dəstəyin göstərilməsi istiqamətində fəaliyyətlərin keçirilməsi üçün müvafiq görüşlər keçirilib, uşaqların təhlükəsizliyi və sosial xidmətlərin rolu haqqında buklet çap olunmuşdur.
Layihənin çərçivəsində icra planına uyğun olaraq, iyul ayı ərzində Qəbələ, Zaqatala və Qax rayonlarında sosial xidmət əməkdaşları üçün dəyirmi masa təşkil olunacaqdır. Dəyirmi masada sosial mütəxəsislərin rolunun gücləndirilməsi, uşaqların sosial mühitə inteqrasiya olunmasıın təşkilində və hüquqi, sosial-psixoloji dəstəyin həyata keçirilməsində sosial mütəxəssislərin rolu məsələləri müzakirə ediləcəkdir. Hər rayon üzrə tədbirdə 20 sosial- psixoloji xidmət göstərən mütəxəssis iştirak edəcəkdir.
“Hüquq Dünyası” Hüquqi Təbliğat İctimai Birliyi
