İki şəhidimiz dəfn olunub

Elşən Yunisli və Elməddin Həsrətov doğulduqları kənddə torpağa tapşırılıb

Vətən müharibəsində şəhid olan Azərbaycan Ordusunun hərbi qulluqçusu Elşən Fazil oğlu Yunisli dəfn edilib. Media1.az-ın APA-ya istinadən məlumatına görə, mərasimdə Şəmkir Rayon İcra Hakimiyyətinin nümayəndələri, şəhidin ailə üzvləri, kənd sakinləri iştirak edib.

E. Yunisli rayonun Təzəkənd kənd qəbiristanlığında dəfn edilib. Dəfndən sonra havaya yaylım atəşi açılıb.

Şəhid olan daha bir hərbi qulluqçu Elməddin Həsrətov isə Goranboyda dəfn edilib. Mərasimdə Goranboy Rayon İcra Hakimiyyətinin başçısı Məhərrəm Quliyev, şəhidin ailə üzvləri, rayon ictimaiyyəti iştirak edib.

E. Həsrətovun nəşi orkestr sədaları altında Qarasuçu kənd qəbiristanlığına aparılıb. Şəhid dəfn edildikdən sonra tabutuna bükülmüş Azərbaycan bayrağı qardaşına verilib. Dəfndən sonra havaya yaylım atəşi açılıb.