“Heydər Əliyev və Şuşa ” adlı intellektual bilik yarışı keçirilib

Bərdə şəhər İcra Hakimiyyətinin “İdeoloji maarifləndirmə konsepsiyası ” ilə bağlı növbəti tədbiri Bərdə rayon Heydər Əliyev Mərkəzi tərəfindən 1 noyabr 2022-ci ildə həyata keçirilmişdir.

Şuşa ili ilə əlaqədar olaraq,Bərdə rayon Heydər Əliyev Mərkəzinin iş planına uyğun olaraq Heydər Əliyev irsinin təbliğatı və gənclərin vətınpərvərlik tərbiyəsi istiqamətində Ulu Öndər Heydər Əliyevin Şuşa şəhərinə səfərlərini də özündə əks etdirən “Heydər Əliyev və Şuşa ” adlı intellektual bilik yarışı Bərdə ASAN Könüllüləri,Bərdə Dövlət İdarəetmə və Texnologiya Kolleci, Bərdə Gənclərin İnkişafı və Karyera Mərkəzi və Bərdə Peşə Liseyinin iştirakı ilə dörd komanda arasında aparılmışdır.

Yarışdan əvvəl iştirakçılar Ulu Öndər Heydər Əliyevin əziz xatirəsinə hörmət əlaməti olaraq Mərkəzin ekspozisiya zalında sərgilənən eksponatlarla tanış olmuşdurlar.

Tədbirdə Bərdə rayon Heydər Əliyev Mərkəzinin direktoru Arifət Əhmədova ,Bərdə RHİB Aparatının İnformasiya təminatı və təhlili sektorunun aparıcı məsləhətçisi Şəmsiyyə Abbaszadə və Bərdə rayon Gənclər və İdman İdarəsinin əməkdaşı Avtab Cəbrayılova münsif qismində iştirak etmişdir.

Yarışın yekununda “Dəmir yumruq ” komandasının təmsilçiləri -Bərdə ASAN Könüllüləri I yer üzrə qalib elan edilərək kubok qazanmışdır.

Bərdə Dövlət İdarəetmə və Texnologiya Kollecinin təmsil olunduğu “Xarıbülbül ” komandası II yerə , Bərdə Peşə Liseyinin təmsil olunduğu ” Zəfər ” komandası III yerə layiq görülmüşdür.İştirakçılar Bərdə rayon Heydər Əliyev Mərkəzinin təqdim etdiyi fəxri fərmanlarla təltif olunmuşdurlar.