Həftəsonu 10 nəfər koronavirus xəstəsi ictimai yerlərdə saxlanılıb
Tibbi prosedurları gözləməklə həmin şəxsləri yaşadıqları evə qaytarılıblar
Sentyabrın 11-də və 12-də daxili işlər orqanlarının əməkdaşları respublika ərazisində 10 nəfər aktiv koronavirus xəstəsini ictimai yerlərdə aşkarlayaraq saxlayıblar.
Daxili İşlər Nazirliyinin (DİN) Mətbuat Xidmətindən Media1.az-a bildirilib ki, polis əməkdaşları onlarla izahedici söhbətlər aparıb, tibbi prosedurları gözləməklə həmin şəxsləri yaşadıqları evə qaytarıblar. Bu barədə müvafiq səhiyyə qurumları məlumatlandırılıb.
Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə iki nəfər barəsində cinayət işi başlanıb, istintaq araşdırmaları davam etdirilir.
