Göyçayda həmkəndlisini bıçaqlayan şəxs saxlanılıb
Göyçay rayonunda bıçaqlanma hadisəsi törədən şəxs tutulub.
DİN-in Mətbuat Xidmətinin Şəki regional qrupundan “İki sahil”ə verilən məlumata görə şəxsi münasibətlər zəminində aralarında yaranmış mübahisə zamanı rayonun Kürdəmiş kənd sakini Zahir Həsənova bıçaqla xəsarət yetirən şəxsin həmkəndlisi Ramazan Zeynalov olduğu müəyyən olunub. O, polis şöbəsinə gətirilərək izahatı alınıb.
Qeyd edək ki, bıçaq yarası alan Zahir Həsənov və yıxılaraq xəsarət aldığı deyilən atası Zaur Həsənov Göyçay rayon Mərkəzi Xəstəxanasına yerləşdirilib.
Hazırda faktla bağlı Göyçay rayon Polis Şöbəsi tərəfindən araşdırma aparılır.
