“Fənərbaxça” tribunalara 1000 ədəd fidan yerləşdirdi
“Fənərbaxça” tibb işçilərinə təşəkkür etmək məqsədi ilə ev oyunlarını keçirdiyi “Ülkər” stadionunun tribunalarına 1000 ədəd fidan yerləşdirib.
Qol.az xəbər verir ki, bu barədə klubun mətbuat xidməti məlumat yayılıb. Superliqasının 29-cu turunda “Gənclərbirliyi” ilə matçdan əvvəl trubunalara 1000 ədəd fidan qoyulub. Həmin anların fotoları klubun sosial şəbəkə hesablarında paylaşılıb və qeyd edilib:
“Bu fidanları 14 mart Tibb Günü münasibəti ilə həyatları boyu və koronavirus pandemiyası müddətində bizim üçün gecəsini gündüzünə qatan tibb işçilərinə həsr edirik. Bir nəfəsin qiymətini ən yaxşı başa düşdüyümüz vaxtda səhiyyə işçilərinə təşəkkürlərimizi 21-26 mart Meşə Həftəsində əkəcəyimiz 5000 fidan ilə göstərmək istəyirik”.
Qeyd edək ki, “Fənərbaxça” – “Gənclərbirliyi” matçı bu gün 20:00-da başlayacaq.
