Cəbhə jurnalistlərinə “Zəfər Media Mükafatı” verildi – SİYAHI

Quzanlı qəsəbəsində yerləşən Ağdam Dövlət Dram Teatrında keçirilən təqdimat mərasimi respublikamızın müstəqilliyi və ərazi bütövlüyü uğrunda canından keçənlərin xatirəsi bir dəqiqəlik sükutla yad edilməsi ilə başlayıb.

Media1.az Turaza istinadən xəbər verir ki, İctimai Siyasi Proseslər Beynəlxalq Araşdırmalar Mərkəzinin sədri Samir Adıgözəlli çıxışında “Zəfər Media Mükafatı”nın 44 günlük müharibənin informasiya cəbhəsində səmərəli fəaliyyət göstərən media nümayəndələrinə təqdim olunduğunu deyib.
O, Azərbaycanın həm döyüş meydanında, həm informasiya müharibəsində qalib gəlməsində müxtəlif media qurumlarının Qarabağ bölgəsində fəaliyyət göstərən müxbir və operatorlarının təhlükəli şəraitdə çalışaraq həm ölkə, həm də dünya ictimaiyyətinin məlumatlandırılmasında oynadıqları mühüm rol haqqında danışıb.

“Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli çıxış edərək televiziyaların və elektron media orqanlarının nümayəndələrinin birbaşa hadisə yerindən informasiyalar, foto və videolar yayımladığını vurğulayıb.

Vətən müharibəsindəki fəaliyyətlərindən söz açan media nümayəndələri ildiriliblər ki, Qarabağ üzrə bölgə müxbirləri təkcə 44 günlük müharibə dövründə deyil, atəşkəs dövründə də informasiya müharibəsinin cəbhəsində gərgin çalışıb, ermənilərin təxribatları, yaşayış məntəqələrimizin atəşə tutulması, regionun sosial-iqtisadi həyatı, Qarabağın tarixi, mədəniyyəti ilə bağlı informasiyalar, reportajlar hazırlayıblar. Bundan sonra isə xalqımızı işğaldan azad olunmuş torpaqlarımızdan müxtəlif istiqamətli informasiyalar, o cümlədən həyata keçirilən inkişaf, bərpa-quruculuqla bağlı məlumatlandıracaqlar.

Sonra Vətən müharibəsinin informasiya cəbhəsində göstərdiyi səmərəli fəaliyyətinə görə KİV nümayəndələrinə “Zəfər Media Mükafatı” təqdim edilib. “Zəfər Media Mukafatı”na layiq görülənlər arasında olan İctimai Televiziyanın Qarabağ bölgəsi üzrə müxbiri Şöhrət Eyvazov koronavirus səbəbindən hazırda Bakıdakı xəstəxanaların birində müalicə aldığına görə təqdimat mərasiminə qatıla bilməyib. Mukafat hərbi jurnalistin oğlu Kənan Eyvazova təqdim edilib.

“Zəfər Media Mükafatı”na layiq görülən media nümayəndələrinin tam siyahısını təqdim edirik:

Şöhrət Eyvazov, İctimai TV
Elnur Əkbərov, AzTv
Şamxal Adığözəlov Xəzər TV
Tahir Ağamməmmədov, Azərtac
Emin Babayev, Space Tv
Habil Məmmədov, APA
Pərviz Səlimli, AzTv
Aydın Yavərzadə, Azərtac
Vüsal Quliyev İctimai TV
Elgün Qənbərov AzTV
Vicay Vəliyev, ATV
Ziya İsmayılov, ARB
Loğman İsmayılov, BakuTv
Şamo Adığözəlov, Space TV
Elmin İsfəndiyarov, AzTV
Mirələkbər Hüseynov, ARB
Daşqın Abdullayev
Elgün Gəncimsoy
Zahir Əsədov
Tofiq Şahmuradov