Bərdədə şair Rizvan Nəsiboğlunun anadan olmasının 65 illiyinə həsr olunmuş ədəbi-bədii gecə keçirilib
Bərdə rayon Mədəniyyət Mərkəzində şair Rizvan Nəsiboğlunun anadan olmasının 65 illiyinə həsr olunmuş ”Daşdan çiçəklənən poeziya” adlı ədəbi-bədii gecə keçirilib.
Bərdə rayon MKS-nin şəhər 2 nömrəli kitabxana filialının təşkilatçılığı ilə Bərdə rayon Mədəniyyət Mərkəzində bərdəli yazar, şair, Azərbaycan Yazıçılar Birliyinin üzvü, Prezident təqaüdçüsü Rizvan Nəsiboğlunun anadan olmasının 65 illiyinə həsr olunmuş “Daşdan çiçəklənən poeziya” adlı ədəbi-bədii gecə keçirilib.
Əvvəlcə şairin kitablarından ibarət təşkil olunmuş sərgiyə baxış keçirilib və torpaqlarımızın suverenliyi uğrunda canlarından keçən şəhidlərimizin müqəddəs xatirəsinə böyük ehtiram əlaməti olaraq bir dəqiqəlik sükutla yad edilib.
Tədbirdə Bərdə Regional Mədəniyyət İdarəsinin rəisi Vəsilə Möhsümova şeiriyyatdan, poeziyadan, ədəbiyyatdan söhbət açaraq şairin yaradıcılığı ilə bağlı fikrilərini bölüşüb və şairin şeirlərindən səsləndirib.
Tədbir boyunca Rizvan Nəsiboğlunun şerləri və sözlərinə yazılmış mahnılar ifa olunub. Tədbirdə iştirak edən şairin qələm yoldaşları – şair, publisist Telman Hüseyn Anadil, Kamil Vəfadar, İsa Sevər və digərləri şairin yaradıcılığı haqqında fikirlərini bölüşüblər.
Rizvan Nəsiboğlu səmimi və gözəl görüşə görə tədbirin təşkilatçılarına və tədbirin ərsəyə gəlməsində əziyyəti olan hər kəsə öz təşəkkürünü bildirib.
Media1.az
