Bərdədə nərd idman növü üzrə ahıllar arasında rayon turniri keçirilib.
10-11 sentyabr 2024-cü il tarixlərdə Qarabağ Regional Gənclər və İdman İdarəsinin Bərdə rayonu üzrə gənclər və idman sektorunun və rayon Ağsaqqallar Şurasının təşkilatçılığı ilə “Yaşıl dünya naminə həmrəylik” ili çərçivəsində nərd idman növü üzrə ahıllar arasında turnir keçirilib.
Tədbirdə Qarabağ Regional Gənclər və İdman İdarəsinin Bərdə rayonu üzrə gənclər və idman sektorunun baş məsləhətçisi Fidan Nəsirli, rayon Ağsaqqallar Şurasının sədri Yaşar Zamanov çıxış edərək “Yaşıl dünya naminə həmrəylik ili” çərçivəsində keçirilən tədbirlərdən, ölkə idmançılarının müxtəlif növlərdə beynəlxalq səviyyəli yarışlarda əldə etdikləri uğurlardan danışıblar.
Yarışda I,II və III yerləri tutan iştirakçılar Qarabağ Regional Gənclər və İdman İdarəsinin müvafiq dərəcəli diplom və medalları ilə təltif olunublar.
