Bərdədə ekoloji aksiya təşkil edilib
Bərdədə “Xan meşəsi” ərazisində Ekologiya ve Təbii Sərvətlər Nazirliyinin təşəbbüsü və təşkilatçılığı ilə təmizlik aksiyası keçirilib.
Aksiyanın keçirilməsində əsas məqsəd ətraf mühitin məişət və digər tullantılarla çirkləndirilməsinin qarşısının alınması, əhalinin tullantıların düzgün idarə edilməsi ilə ətraf mühitin neqativ təsirlərdən qorunması istiqamətində maarifləndirilməsi, o cümlədən insanların ətraf mühitin mühafizəsinə münasibətini dəyişməklə ekoloji vəziyyətinin yaxşılaşdırılmasında ictimaiyyətin rolunu artırmaq və bu sahədə ictimaiyyətlə əməkdaşlığı gücləndirməkdir.
Aksiyada Bərdə rayon İcra Hakimiyyətinin əməkdaşları, Bərdə Dövlət İdarəetmə və Texnologiya kollecinin müəllim və tələbələri, Qızıl Aypara Cəmiyyətinin Bərdə bölməsinin nümayəndələri və gənclər iştirak etmişlər.
