Bərdə Regional Mədəniyyət İdarəsi Qurban bayramı münasibətilə bayram sovqatları paylayıb
Bərdə Regional Mədəniyyət İdarəsi müsəlman dünyasının mənəvi birlik və vəhdət rəmzi olan müqəddəs Qurban bayramı münasibətilə aztəminatlı ailələrə bayram sovqatları paylayıb.
Regional idarənin rəisi Vəsilə Möhsümova Azərbaycan xalqını Qurban Bayramı münasibətilə təbrik edib, Qurban bayramının yaranma tarixi və əhəmiyyətindən söz açıb. Bildirib ki, Vətən müharibəsində də bütün Azərbaycan xalqı Müzəffər Ali Baş Komandan İlham Əliyevin rəhbərliyi altında Vətən naminə canlarından keçməyə belə hazır olduqlarını göstərdilər. Bu gün Azərbaycanı ərazi bütövlüyünə qovuşduran, ay-ulduzlu bayrağı əzəli torpaqlarımızda dalğalandıran da xalqımızın öz yaddaşında, gündəlik həyatında qoruyub saxladığı bu dəyərlərdir.
Aztəminatlı ailələr onlara göstərilən diqqət və qayğıya görə minnətdarlıqlarını bildirib, bayram arzularını dilə gətiriblər.
