“Barselona” İspaniya Kubokunun 1/8 finalına çətinliklə yol açıb
![](https://media1.az/wp-content/uploads/2021/01/77179ee7d93368415ccbe4252a0df6ce.jpg)
“Barselona” futbol üzrə İspaniya Kubokunun 1/16 finalında “Kornella” ilə qarşılaşıb.
“Report” xəbər verir ki, qarşılaşma Katalon klubunun 2:0 hesablı qələbəsi ilə başa çatıb. Qalib oyunun əsas vaxtında müəyyənləşməyib.
Matçda hesabı 92-ci dəqiqədə Usman Dembele açıb, oyunun 120+1 dəqiqəsində Martin Braytvayt son nöqtəni qoyub.
Qeyd edək ki, “Barselona” qarşılaşmanın gedişatında iki dəfə penaltini reallaşdıra bilməyib. Əvvəlcə Miralem Pyaniç, sonra isə Dembele bu imkanlardan yararlana bilməyiblər.