“Bala bəyin evi”ndə ruhları görüşdürən tədbir ” Şuşa ili”nə həsr olunmuşdu- Bərdə şəhər 3 nömrəli uşaq musiqi məktəbindən ” Şuşa ili”nə gözəl hədiyyə

İyunun 3-də “Şuşa ili” ilə əlaqədar olaraq Bərdə şəhər 3 nömrəli uşaq musiqi məktəbinin kollektivi “Qələbə gözləyən ruhlar ” adlı tədbir təşkil edib.

Media1.az-ın xəbərinə görə məktəbin direktoru Fəqani Əliyev başda olmaqla müəllim və şagirdlər Bərdə rayonunun Qəhrəmanlı kəndindəki “Bala bəyin” evində olublar. Tarixi abidə kimi dövlət qeydiyyatına alınmış milli memarlıq nümunəsi sayılan bu binada teatrallaşdırılmış dərin və məzmunlu tədbir keçirmişlər.

Qarabağ mədəniyyətinin əvəzolunmaz simalarından olan Xursidbanu Natəvanın, Molla Pənah Vaqifin, Molla Vəli Vidadinin şeirləri ifa olunmuş , səhnəciklər göstərilmişdir.

Tədbirdə şəhər Tarix Diyarşünaslıq Muzeyinin əməkdaşları ilə birgə tarixi eksponatlardan ibarət sərgi nümayiş olunub.

Sonda Bərdə şəhər 3 nömrəli Uşaq Musiqi Məktəbi şagirdlərinin ifasında bir-birindən gözəl xalq mahnıları səsləndirilib.

İstedadlı müəllim və şagirdlərin yüksək ifa məharətləri sayəsində tədbir yüksək əhvali-ruhiyyə ilə başa çatıb.

Media1.az- Musa Muradlı