Bakıda BMT Turizmin Avropa üzrə Regional Komissiyasının iclası keçiriləcək
Aprelin 8-də Albaniyanın paytaxtı Tirana şəhərində keçirilmiş BMT-Turizmin (Ümumdünya Turizm Təşkilatı) Avropa üzrə Regional Komissiyasının 70-ci iclasında Azərbaycan nümayəndə heyəti iştirak edib.
Media1.az xəbər verir ki, Dövlət Turizm Agentliyinin sədri Fuad Nağıyevin rəhbərlik etdiyi nümayəndə heyətinin tərkibində Azərbaycanın İspaniyadakı fövqəladə və səlahiyyətli səfiri, eyni zamanda BMT-Turizmdə (Ümumdünya Turizm Təşkilatı) daimi nümayəndəsi Ramiz Həsənov da iştirak edib.
İclas çərçivəsində ölkəmizin 2025-ci ildə BMT-Turizmin Avropa üzrə Regional Komissiyasının növbəti 71-ci iclasına ev sahibliyi etməsi haqqında qərar qəbul edilib.
