Bərdənin Mustafaağalı kəndində baş vermiş qəzanın aradan qaldırılması nəticəsində qazın verilməsi bərpa edildi-FOTOLAR
Media1.az xəbər verir ki, dərhal hadisə yerinə cəlb olunan qəza xidmətinin əməkdaşları təmir-bərpa işlərini həyata keçirməyə müvəffəq olublar. Ətrafa axan qazın axını dayandırılıb. Boru qaynaq vasitəsilə birləşdirildikdən sonra sıradan çıxarılan qaz sayğacı da işlək vəziyyətə gətirilib. Qazın verilməsi təmin edilib.
*****
Bərdənin Mustafaağalı kəndində PRADO qaz xəttini sıradan çıxarıb
Media1.az xəbər verir ki, axşam 21:30 radələrində Bərdə rayonunun Mustafaağalı kəndində hərəkətdə olan nəqliyyat vasitəsi qaz boru xəttinə çırpılıb. Nəticədə boru xətti kəsilərək, bölünüb. Qaz ətrafa axıb. Əsli Muradovaya məxsus qaz sayğacı dartılma-deformasiyaya məruz qaldığından qurulduğu yerdən parçalanaraq tam yararsız hala düşüb.
Hadisə barədə danışan Əsli Muradova bildirib ki, istifadə etdiyi istilik vasitəsi, qaz sobası sönüb.Həmin anda gurultulu səs eşididblər. Yenidən sobanı alovlandırmaq istəsə də alışmayıb. Qaz sayğacına baxmaq istəyərkən qəzanın baş verdiyini görüb. Məlim olub ki, hansısa nəqliyyat vasitəsi qəzanı törətməklə hadisə yerindən uzaqlaşıb.
Küçədəki sakinlər isə qəzanı naməlum “ Prado Nissan” markalı maşının törətdiyini bildiriblər.
