Bərdənin Ləmbəran kəndində yeni artezian quyusunun qazılmasına başlanılıb
Musa Muradlı, Media1.az
Media1.az xəbər verir ki, Bərdə rayonunun Ləmbəran kəndində əhalinin içməli suya olan tələbatını ödəmək məqsədilə artezian quyusunun qazılmasına başlanılıb.
Kənd sakini Baxşeyiş Məmmədovun bildirdiyinə görə , inşa olunan artezian quyusundan kəndin aşağı Suarxı məhəlləsinin 200-dək ailəsi faydalana biləcək.
Baxşeyiş Məmmədovun dediyinə görə , Azərbaycanın böyük kəndlərindən biri olan Ləmbəranda əhali içməli su sarıdan əziyyət çəkirmiş. Prezidentə, Bərdə rayon İcra Hakimiyyətinə, Milli Məclisin ləmbəranlıların təmsil edən deputatına, digər aidiyyatı dövlət orqanlarına olunan çoxsaylı müraciətlər nəhayət ki, cavabsız qalmayıb.
Beləliklə, Ləmbəran kəndində içməli suya olan təlabatı ödəmək məqsədilə yeni artezian quyusunun qazılmasına başlanılıb.
Xeyirli olsun!
