Bərdədə yol nəqliyyat hadisəsi: piyada vurulub

Media1.az xəbər verir ki, hadisə bu gün saat 17 radələrində Bərdə Yevlax yolu istiqamətində “ Günəş” şadlıq sarayının qarşısında baş verib. Yolu keçmək istəyən piyada hərəkətdə olan nəqliyyat vasitəsi tərəfindən vurulub. Bildirildiyinə görə,  həmin vaxt yolu keçən piyada sərxoş vəziyyətdəymiş.

Piyada huşsuz vəziyyətdə olduğuna görə, polis onun şəxsiyyətini müəyyənləşdirməkdə çətinlik çəkib. Yaxınlıqda yaşayanlara vurulan adamın şəklini göstərməklə onun kimliyini müəyyənləşdirməyə çalışıb.

Ağır vəziyyətdə olan yaralı piyada təcili yardım vasitəsilə Bərdə şəhər xəstəxanasına çatdırılıb.

Faktla bağlı araşdırma aparılır.