Azərbaycan sahibkarları üçün işğaldan azad edilmiş ərazilərdə biznes qurmaq imkanı yaradılıb

Azərbaycanın işğaldan azad edilən ərazilərində biznes qurmaq istəyən sahibkarlar biznes layihələrini Kiçik və Orta Biznesin İnkişafı Agentliyinə (KOBİA) təqdim edə bilərlər.

KOBİA-dan verilən məlumata görə, Agentliyə müraciət edən sahibkarlara bu ərazilərin iqtisadi və investisiya potensialına dair informasiya, məsləhət, əlaqələndirmə və digər dəstək və xidmətlər göstəriləcək.

İşğaldan azad olunmuş ərazilərdə biznes qurmaq istəyən sahibkarlar müvafiq formanı Agentliyin rəsmi saytından əldə edərək doldura və təqdim edə bilərlər.