Ağstafada ümummilli liderin xatirəsi ehtiramla yad edilib
11 dekabr 2024-cü il tarixində Yeni Azərbaycan Partiyası (YAP) Ağstafa rayon təşkilatı Ümummilli Lider Heydər Əliyevin anım günü ilə əlaqədar tədbir keçirib.
Tədbirdə YAP Ağstafa rayon təşkilatının əməkdaşları, partiya veteranları, rayon Ağsaqqallar Şurasının üzvləri, partiya üzvü olan şəhid ailələri və qazilər, Ərazi Partiya Təşkilatlarının nümayəndələri iştirak ediblər.
Əvvəlcə tədbir iştirakçıları ulu öndər Heydər Əliyevin abidəsi önünə gül dəstələri düzüb, Ümummilli Liderin xatirəsini dərin ehtiramla yad ediblər.
Daha sonra onlar Heydər Əliyev Mərkəzinə ekskursiya ediblər.
Tədbir iştirakçıları mərkəzdə müstəqil Azərbaycan dövlətinin memarı, Ümummilli Lider Heydər Əliyevin zəngin, mənalı ömür yolundan bəhs edən film izləyiblər və muzey eksponatları ilə tanış olublar, həmçinin onlara Ulu Öndərin həyat yolu və müstəsna fəaliyyəti haqqında geniş məlumat verilib.
