Ağstafada Aprel döyüşləri şəhidlərinin xatirəsi anılıb
Yeni Azərbaycan Partiyası (YAP) Ağstafa rayon təşkilatında Aprel döyüşlərinin 9-cu ildönümü münasibətilə dəyirmi masa keçirilib.
İlk öncə Ulu Öndər Heydər Əliyevin və Azərbaycanın ərazi bütövlüyü uğrunda həlak olan şəhidlərimizin əziz xatirəsi bir dəqiqəlik sükutla yad edilib.
Tədbiri girişi sözü ilə açan YAP Ağstafa rayon təşkilatının əməkdaşı Tağı İmamverdiyev Aprel döyüşlərində Lələtəpə, Talış yüksəklikləri və digər bir sıra mühüm strateji yüksəkliklərin işğaldan azad edilməsindən, Azərbaycan əsgərlərinin əfsanəvi qəhrəmanlıqlarından bəhs edib.
Daha sonra çıxış edən natiqlər – Azərbaycan Əfqanıstan Veteranları İctimai Birliyi Ağstafa rayon filialının sədri Mirzahid Hacıyev, I Qarabağ müharibəsi iştirakçısı Alı Mansırov və Ağstafa şəhər 1 №-li tam orta məktəbin hərbi rəhbəri Arif Muradov Aprel döyüşlərinin tarixi əhəmiyyəti barədə geniş məlumat veriblər.
