Ağstafa rayonunda şəhidlərin ildönümlərində və doğum günündə xatirələri anılıb

16 noyabr 2025-ci il tarixində Vətən müharibəsi şəhidləri Vəliyev Ayxan Kamil oğlunun, Şıxməmmədov Hikmət Azər oğlunun ildönümləri və Kazımov Ruslan Mustafa oğlunun doğum günü münasibətilə məzarları ziyarət edilib, önlərinə gül dəstələri düzülərək, əziz xatirələri böyük ehtiramla yad olunub, şəhidlərimizin ruhuna dualar oxunub.

Tədbirdə Yeni Azərbaycan Partiyası Ağstafa rayon təşkilatının sədri Etibar Hacıyev, Ağstafa Rayon İcra Hakimiyyəti aparatının “Vətən müharibəsi iştirakçıları və şəhid ailələri ilə işin təşkili şöbəsi”nin müdiri Ariz Qədiməliyev, şəhidlərimizin ailə üzvləri, şəhid ailələri və rayon ictimaiyyətinin nümayəndələri iştirak ediblər.

Tədbir çərçivəsində şəhidimizlə eyni məzarlıqda uyuyan digər şəhidlərimizin də məzarları ziyarət olunub, önlərinə gül dəstələri düzülərək əziz xatirələri yad edilib.

Daha sonra tədbir iştirakçıları şəhidlərimizin ailələrini ziyarət edib, onların qayğı və problemləri ilə maraqlanıblar.

Allah bütün şəhidlərimizə rəhmət eləsin!