ABŞ müttəfiqləri ilə Ukraynada sülh planını müzakirə edib
ABŞ və müttəfiqləri Kiyevin sülh planını müzakirə etmək üçün Ər-Riyadda Ukrayna nümayəndələri ilə gizli görüş keçirib. Bloomberg məlumatlı mənbələrə istinadən yazır ki, danışıqlar dekabrda baş tutub.
“Keçən ay Ukrayna, onun G7 müttəfiqləri və Qlobal Cənubdan olan kiçik bir qrup ölkə arasında Kiyevin Rusiya ilə sülh danışıqları şərtlərinə dəstək qazanmağa çalışmaq üçün gizli görüş keçirilib”, – agentlik yazır.
Görüşün Ər-Riyadda baş tutduğu dəqiqləşdirilir. Materialda deyilir: Danışıqlar ona görə gizli aparılıb ki, görüş iştirakçıları özlərini “daha rahat” hiss etsinlər. Bununla belə, məqalədə danışıqlar zamanı hər hansı irəliləyişin əldə olunmadığı bildirilib.
