MƏNİM ƏDƏBİYYAT MÜƏLLİMİM HÜSEYN ABIŞOV- Səməd Vəkilov yazır
Sabah müəllimlər günü mən də öz müəlimlərimi xatırlayıram. Bunların sırasında mənim ədəbiyyat müəllimim Hüseyn Abışovda var. Özünəməxsus tədris üslubu olan Hüseyn müəllim. Mənim xatirimdə savadlı və təəssübkeş müəllim kimi qalıb. Kimdir Hüseyn müəllim?
Abışov Hüseyn İsmayıl oğlu 1 avqust 1944-cu il Şərur-Dərələyəz qəzasının Çivə kəndində anadan olub. 6 yaşına qədər Ermənistan da yaşadıqdan sonra, 1951-ci ildə Çivə kəndindən deportasiya edilərək Bərdə rayonu İmirli kəndində köçürülüblər. Belə ki, kəndi zorakılıqla tərk etməyə məcbur qalan kənd əhalisi bütün fərdlər kimi Hüseyn Abışovda bu məşəqqətləri yaşamışdır. Deportasiya üçün lazımı vəsaitin və maddi-texniki yardımın ayrılması sənəd üzərində nəzərdə tutulsa da, bu həyata keçirilməmişdir. Uzun yol, ac susuz bir vəziyyətdə, torpaqlarından didərgin düşməkləri ilə yanaşı, harada məskən salacaqlarını bilməməkləridə ayrı bir qorxu yaradırdı. Azərbaycana gəldikdən sonra, dövlətin göstərişi ilə Bərdə rayon ərazisinə göndəriliblər. İlk öncə Bərdə rayon Kətəlparaq kəndində məskunlaşdıqdan sonra, Çivə kəndi əhalisi İmirli kəndinə köç ediblər. Kəndə köçdükdən sonra əhali üçün yaşayış vəziyyəti çox ağır keçməyə başlayıb. Dövlət tərəfindən yaşayış üçün boş ərazilərə kiçik yer altı qazmalar yaradılmışdı Bir ailənin yaşaması üçün belə kiçik olsa da imkansızlıq və digər səbəblərdən bir neçə qohum ailələr eyni qazmada yaşayırmışlar. Belə çətin vəziyyətdə olsa belə kənd əhalisi təhsilindən geri qalmaq istəmirdi.Bunun üçün də İmirli kənd məscidində İsa Vəkilovun təşkil etdiyi ibtidai orta məktəbin ilk şagirdlərindən olub. O 1953-cü ildə İmirli kəndində yaradılmış məktəbdə 1-ci sinif təhsilini almağa başlayıb. İbtidai sinifi bitirdikdən sonra 1957-cı ildə Bərdə rayonunun Şahvəllər kəndində 5-ci sinifə başladı, 7-ci sinifə kimi Şahvəllərdə təhsilini davam etdirdi. Bu müddət də onlar təhsillərini davam etdirmək üçün hər gün bir kəntdən digər kəndə gedirdilər,buna soyuq qarlı-yağışlı günlərdə daxil idi. 1959-1963-cü illərdə Ağdamın Xındıristan kəndində 8-10-cu sinif təhsilini davam etdirmisdi. Kənd camaatı ağır və imkansız vəziyyətinə görə orta məktəbi zorla bitirir ali təhsil almaq istəkləri olsa belə bunu reallaşdıra bilmirdilər. Hüseyn Abışov isə təhsilini davam etdirmək arzusunda idi. Bu arzunun yaranmasında ən böyük səbəblərdən biri də müəllim olub , kəntdə olan təhsil çətinliyini azda olsa aradan qaldırmaq idi. O, bu arzusunu reallaşdırmaq üçün inustuta işlərini verir və qəbul olur.
1964-cü ildə Lenin adına Azərbaycan Dövlət Pedaqoji İnstitutuna daxil olub. Maddi vəziyyətləri bütün kənd camaatın da olduğu kimi onlarda da pis olduğu üçün təhsilini qiyabi davam etdirərək, işləyib ailəsinə dəstək olur. Həmçinin İmirli kənd əhalisində ilk ali təhsili alan şagird olur. Bu müddət ərzində isə dövlət kənd camaatına 60 ədəd 1 otaqli ev tikərək yerləşdirir. Həmçinin kənd ərazisində orta məktəb də fəailiyyətə başlayır.
Hüseyn Abışov 1973-cü ildə Azərbaycan dili və Ədəbiyyat ixtisası üzrə bitirmişdir. Dövlət imtahan komissiyasının 17 iyul 1973-cü il tarxili qərarı ilə ona orta məktəbdə Azərbaycan dili və Ədəbiyyat müəllimi ixtisası verilmişdir. İnustutu bitirdikdən sonra 15 avqust 1968 ci il tarixində İmirli kəndin də yerləşən orta məktəbdə işə başlıyır. Müəllimlik müddəti həm savadı, həm də uşaqların sevimli müəlliminə çevrilməyi ilə yaddaşlar da qalıb. 42 il vəzifəsini tam layiqi ilə yerinə yetirdikdən sonra 17 avqust 2011-ci il tarixində çalışmanın yaş həddinə çatdığı üçün əmək müqaviləsinə xitam verilir. 21 aprel 2016- cı ildə 72 yaşında İmirli kəndində dünyasını dəyişib.
Hüseyn müəllimin fəaliyyəti barəsindən qeyd edərkən onu vətənpərvər, millətçi bir zaylı kimi qiymətləndirməliyik. O, Sovetlər Birliyinin ən güclü bir dönmələrində kəndə o dövr üçün dəbdə olan “papa” “mama” müraciətlərini ləğv edərək “ata” “ana” müraciət forması ilə əvəz edib.
Səməd Vəkilov
Tədqiqatçı-hüquqşünas
