“Azəriqaz” əhaliyə müraciət etdi: “Bizimlə əlaqə saxlaya bilərsiniz”
“Əgər belə bir kəskin hava şəraitində mənzilinizdə istifadə etdiyiniz qaz cihazlarında hər hansı bir nasazlıq yaranarsa, bizimlə əlaqə saxlaya bilərsiniz”.
Media1.az Musavat.coma istinadən xəbər verir ki, “Azəriqaz” İstehsalat Birliyinin əhaliyə müraciətində belə deyilir. Bildirilir ki, bu sahədə təcrübəsi olan əməkdaşlarımız sizə yardım göstərəcəklər:
“Bundan başqa, kim əvvəlcədən ödənişli sayğacdan istifadə edirsə və hazırda sayğacında qaz həcmi bitibsə, bizə müraciət edə bilər. Bu soyuq havada evdən bayıra çıxa bilməyən abonentlərimiz kartlarına vəsait yükləmək istəyərlərsə, köməklik etməyə çalışacağıq.
Kartlarını götürüb terminallarda balansını artırmaqla geri qaytaracağıq. Xahiş edirik ki, kimin belə bir xidmətlərə ehtiyacı olarsa, sosial şəbəkə üzərindən və ya Whatsapp nömrəmizə (077 3 104 104) yazsın”.
