Qənirə Paşayeva Vətən Müharibəsinin bir qrup qazisi ilə görüşüb – FOTO
Milli Məclisin Mədəniyyət Komitəsinin sədri Qənirə Paşayeva Vətən Müharibəsinin bir qrup qazisi ilə görüşüb, onların qayğıları ilə yaxından maraqlanıb.
Qazilər Maarif Süleymanov, Kənan Aslanov, Qurban Bayramov və Yaşar Bağırovu düşmən üzərində tarixi zəfər münasibəti ilə təbrik edən Komitə sədri deyib:
“Əziz qazilər,
Sizin və cəbhə yoldaşlarınızın fədakarlığı sayəsində torpaqlarımız Ermənistanın işğalından azad olunub, xalqımızın 30 illik torpaq həsrətinə son qoyulub.
Sizin şəhid silahdaşlarınızın qanı yerdə qalmayıb. Azərbaycan tarixi zəfər qazanıb.
Sizi düşmən üzərində tarixi zəfər münasibəti ilə təbrik edir, yeni təqvim ilində yeni uğurlar diləyirəm”!
Q.Paşayeva qazilərə Mədəniyyət Komitəsi adından Təbrik Məktubu və xatirə hədiyyəsi təqdim edib.
Qazilər Komitə sədri ilə öz cəbhə xatirələrini bölüşüb və səmimi görüş üçün təşəkkür edib.
