Bərdə məktəblərini bitirmiş 509 nəfər keçid balı toplayaraq ali təhsil səviyyəsində tələbə adı qazanıb-TƏBRİKLƏR
Kənd məktəblərinin nəticələri xüsusilə fərqlənib. Belə ki, 600-dən yuxarı ən yüksək bal toplamış 3 nəfər Kətəlparaq, 2 nömrəli Hacallı və Saatlı kənd məktəblərinin məzunları olub.
Media1.az xəbər verir ki, Bərdə rayon Təhsil Şöbəsinin əməkdaşı Teymur Kərimov bu barədə məlumat verib:”2020-2021-ci tədris ilini bitirən XI-ci sinif məzunlarından 769 nəfər ali məktəblərə sənəd vermiş, bunlardan 68 nəfər 500 baldan yuxarı , 15 nəfər isə 600 baldan yuxarı bal toplamışlar.Yüksək bal toplayanların sayı 83 nəfər olmuşdur. Ümumilikdə rayon üzrə 509 nəfər keçid balını toplaya bilmişdir. Yüksək bal toplayanlardan 2 nəfər 660 bal, 1 nəfər isə 657 bal əldə etmişdir.”
Teymur Kərimovun bildirdiyinə görə , ən yüksək bal toplamış 3 nəfər kənd məktəblərinin məzunları olub. “Kətəlparaq kənd tam orta məktəbin şagirdi Rəvan Gəncəvi oğlu-IV qrup üzrə 660 bal, 2 nömrəli Hacallı kənd tam orta məktəbin şagirdi Qəhrəmanova Sevil Mübariz qızı-IV qrup üzrə 660 bal, Saatlı kənd tam orta məktəbin şagirdi Qasımova Rəvanə İlqar qızı-III qrup üzrə 657 bal toplamışlar.”-deyə təhsil şöbəsinin əməkdaşı əlavə edib.
Onu da qeyd edək ki, Bərdə rayon Şahvəlilər kənd tam orta məktəbin şagirdi Hüseyn Akif oğlu Babayev respublika fənn olimpiadalarının qalibi, qızıl, gümüş medalların mükafatçısı olaraq Azərbaycan Tibb Universtitetinə qəbul edilib.
