Regionlarda ictimai vəkilliyin inkişafı üçün layihənin icrasına başlandı
Qarşıya qoyulan məqsəd regionlarda vətəndaşların ictimai vəkillikdə fəalliğının artırılması, dövlət və özünüidarə qurumlarının qərar qəbul etmə prosesində ictimai iştirakçılıqda vətəndaşların aktivliyinin təmin edilməsindən ibarətdir.
Media1.az xəbər verir ki, layihənin maliyyələşdirilməsi USAİD-in himayədarlığı ilə həyata keçirilir. “Şəffaflıq naminə vətəndaş cəmiyyəti Layihəsi (ECSOFT) çərçivəsində regionlarda “İctimai İştirakçılıq haqqında” Azərbaycan Respublikası Qanununun icrasının monitorinqi və təşviq edilməsi məqsədilə ictimai vəkillik kompaniyasının aparılması” adlı layıhəni Milli Qeyri-Hökumət Təşkilatları Forumunun Mingəçevir Regional QHT-lərin Resurs və Təlim Mərkəzi icra edir.
Layihə çərçivəsində eyni zamanda “FHİ 360”, “Qeyri Kommersiya Hüququ üzrə Beynəlxalq Mərkəz”, “MG Konsulting MMC”-nin tərəfdaşlığı ilə əhali arasında rəy sorğularının keçirilməsi, maarifləndirici bukletlərin paylanması, ictimai vəkillik kompaniyasının təşkil edilməsi nəzərdə tutulub.
