5 min manata “Kalaşnikov” satmaq istəyən şəxs ƏLƏ KEÇDİ – FOTO/VİDEO
Bakıda 5 min manata “Kalaşnikov” satmaq istəyən şəxs saxlanılıb.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, Yasamal Rayon Polis İdarəsinin 26-cı Polis Bölməsinin əməkdaşlarına Neftçala rayon sakini, əvvəllər məhkum edilmiş Cahid Bağırovda silah olması və satmaq istəməsi barədə əməliyyat məlumatı daxil olub.
Həmin şəxs odlu silahı 5 min manata satmaq istəyən zaman saxlanılıb.
Onun üzərinə baxış keçirilərkən bir ədəd “Kalaşnikov” markalı avtomat, altı ədəd patron və həmin silaha məxsus daraq aşkar edilərək götürülüb.
Cahid Bağırov odlu silahı bir müddət əvvəl əldə etdiyini, lakin polisə təhvil verməyərək özündə saxladığını bildirib.
Araşdırma zamanı onun Yasamal rayonunda evlərdən birindən təmir-tikinti aləti oğurladığı da müəyyən edilib.
Yasamal Rayon Polis İdarəsinin 26-cı Polis Bölməsinin əməkdaşlarının həyata keçirdikləri digər əməliyyatlar zamanı isə narkotik vasitələrin təsiri altında taksi fəaliyyəti ilə məşğul olan Fərid Ayvazov və narkotiklərin qanunsuz dövriyyəsi ilə məşğul olan Xəqan Yusupov saxlanılıblar.
Bu şəxslərin üzərindən heroin və metamfetamin aşkar edilib.
Əməliyyatlar zamanı saxlanılan hər üç şəxs barəsində məhkəmənin qərarı ilə həbs qətimkan tədbiri seçilib, istintaq tədbirləri davam edirilir.https://www.youtube.com/embed/rmtulglrOU0
