27 Sentyabr – Vətən uğrunda fədakarlıq və qəhrəmanlıq salnaməsinin başlanğıc günü

27 Sentyabr 2020-ci il tarixində Azərbaycan tarixinə qızıl hərflərlə yazılan bir gündür. Bu tarix Azərbaycanın ərazi bütövlüyünün bərpası uğrunda başlanan 44 günlük Vətən Müharibəsinin başlanğıc günü kimi yadda qalmışdır. Həmin müharibədə şəhid olan minlərlə qəhrəman Vətən oğlunun fədakarlığı nəticəsində Azərbaycan torpaqlarını azad etdi və ərazi bütövlüyünü bərpa etdi. 27 Sentyabr Prezident İlham Əliyevin fərmanı ilə Anım Günü olaraq təsis edildi və hər il bu tarixdə qəhrəman şəhidlərimizin ruhu ehtiramla anılır.
44 günlük Vətən Müharibəsi Azərbaycanın ərazi bütövlüyünün bərpası və suverenliyinin təmin edilməsi uğrunda tarixi bir zəfərdir. 2020-ci il 27 sentyabrında başlayan bu müharibə nəticəsində Azərbaycan Ordusu Ali Baş Komandan İlham Əliyevin rəhbərliyi altında 30 ilə yaxın müddətdə Ermənistan tərəfindən işğal altında saxlanılan torpaqlarımızda haqsızlığa və ədalətsizliyə son qoydu, Qarabağ və ətraf rayonları azad etdi. Vətən Müharibəsi yalnız Azərbaycanın işğal olunmuş ərazilərinin geri qaytarılması ilə yekunlaşmadı, eyni zamanda xalqımızın milli birliyinin, ordumuzun gücünün və dövlətimizin siyasi iradəsinin sarsılmaz olduğunu dünyaya sübut etdi. Bu yalnız hərbi qələbə deyil, eyni zamanda xalqımızın milli birliyinin, iradəsinin və beynəlxalq hüququn ədalətli tətbiqinin təntənəsi oldu. Bu qələbə Azərbaycanın dünya arenasında güclü və qətiyyətli bir dövlət olduğunu sübut etdi və ölkəmizin gələcək inkişafına mühüm töhfə verdi.
27 Sentyabr – Anım Günü Azərbaycanın hər bir vətəndaşı üçün həm hüzn, həm də qürur günüdür. Anım Günü yalnız bir xatırlatma deyil, eyni zamanda gələcəyə verilmiş bir anddır. Bu gün Azərbaycanın hər bir vətəndaşı şəhidlərin fədakarlığının dəyərini dərk edərək Vətənin müstəqilliyini və suverenliyini hər zaman qorumağa hazır olduğunu bir daha təsdiqləyir.
Anım Günü həm də xalqımız üçün dərindən duyulan bir birlik və həmrəylik günüdür. Bu gün Azərbaycanın bütün bölgələrində, şəhər və kəndlərində, hər bir evdə, hər bir qəlbdə şəhidlərimizin ruhuna dua edilir, onların əmanəti olan torpaqlarımızın qorunmasının vacibliyi bir daha vurğulanır. Şəhidlərimizin ruhunu daim yad etmək və onların göstərdiyi fədakarlığı heç vaxt unutmamaq bizim vəzifəmizdir. Hər il bu gün şəhidlərimizin qəhrəmanlığına həsr olunmuş mərasimlər keçirilir, onların ailələrinə və yaxınlarına ehtiram göstərilir. Azərbaycan xalqı öz şəhidlərini yad edərək Vətən sevgisinin əbədiliyini vurğulayır. Azərbaycan xalqı öz şəhidlərinin canı bahasına qazandığı azadlığı və müstəqilliyi heç bir zaman unutmamalı və onu hər zaman qorumağa hazır olmalıdır.
Anım Günü gələcək nəsillərin qəhrəman şəhidlərimizin mübarizəsini unutmaması üçün böyük bir dərsdir. Hər bir gənc bu tarixin əhəmiyyətini başa düşərək Vətən uğrunda hər zaman mübarizəyə hazır olmalıdır. 27 Sentyabr Anım Günü bizim tarixi yaddaşımızın bir hissəsi olaraq gələcək nəsillərə çatdırılmalı, şəhidlərin qəhrəmanlığı və Vətən sevgisi daim yaşadılmalıdır.
Azərbaycanın gələcək nəsilləri şəhidlərimizin verdiyi bu əmanətə sahib çıxmalı və onu gələcək uğurlarımız üçün ilham mənbəyi olaraq qəbul etməlidir. Onların fədakarlığı sayəsində qazanılan zəfər gələcək nəsillərin vətənpərvər ruhunun inkişafında mühüm rol oynayacaq. Onların qəhrəmanlığı Vətən uğrunda verilən qurbanların unudulmaması üçün hər zaman təbliğ edilməli, onların mübarizəsi gənc nəsillərə çatdırılmalıdır. Şəhidlərin canı bahasına qazanılan azadlıq uğrunda göstərilən səyləri davam etdirməliyik.
Şəhidlərimizin ailələri bizim üçün ən qiymətli insanlardır. Onlar Vətən uğrunda canlarından keçmiş övladlarının qürurunu daşıyırlar. Dövlətimiz şəhid ailələrinə hər zaman xüsusi diqqət və qayğı göstərir, onların sosial təminatının gücləndirilməsi, yaşayış şəraitinin yaxşılaşdırılması üçün hər cür dəstək göstərir. 44 günlük müharibədən sonra Azərbaycan hökuməti şəhid ailələrinin problemlərinin həllinə xüsusi önəm verir, onların rifahını yüksəltmək üçün genişmiqyaslı sosial proqramlar həyata keçirir. Şəhid ailələrinə göstərilən bu diqqət və qayğı cəmiyyətimizdə dərin mənəvi əhəmiyyət daşıyır.
27 Sentyabr-Anım Günü Azərbaycanın azadlıq və suverenlik mübarizəsinin ən parlaq simvoludur. Bu gün şəhidlərimizin qəhrəmanlığını bir daha yad edərək onların göstərdiyi fədakarlığı unutmamaq və gələcək nəsillərə çatdırmaq üçün bir fürsətdir. Şəhidlərimizin ruhu daim bizimlədir və onların canı bahasına qazanılan azadlıq və müstəqillik hər zaman qorunmalı və qiymətləndirilməlidir.
Allah bütün şəhidlərimizə rəhmət eləsin!
 
Leyla Mehtiyeva – Bərdə RİHB aparatının İctimai-siyasi və humanitar məsələlər şöbəsinin müdir müavini