20 Oktyabr – Zəngilan şəhəri günü
20 oktyabr Azərbaycan xalqı üçün xüsusi və qürurverici bir gündür. Bu tarixdə — 2020-ci il 20 oktyabrda — qəhrəman Azərbaycan Ordusu Zəngilan şəhərini və bir sıra kəndləri işğaldan azad etmişdir. Bu hadisə Vətən müharibəsində qazanılan böyük zəfərlərin ən parlaq səhifələrindən biridir.
Zəngilanın azad olunması ilə Azərbaycan öz torpaqlarını addım-addım geri qaytararaq ərazi bütövlüyünü bərpa etməyə daha da yaxınlaşdı. Bu qələbə xalqımızın birliyini, ordumuzun gücünü və Ali Baş Komandan İlham Əliyevin rəhbərliyi ilə aparılan uğurlu siyasəti bir daha sübut etdi.
Bu gün Zəngilan yenidən qurulur. Azad edilmiş torpaqlarda müasir şəhərsalma işləri, “Ağıllı kənd” layihələri, yeni yollar, məktəblər və yaşayış evləri inşa olunur. Zəngilan qısa zamanda Azərbaycanın ən gözəl və müasir bölgələrindən birinə çevrilir.
20 Oktyabr – Zəngilan şəhəri günü həm Qələbəmizin, həm də yenidənqurulan həyatın simvoluna çevrilmişdir.
Emilya Abdullayeva
Ağstafa rayon Mərkəzi Kitabxana Sisteminin əməkdaşı
